 |
| Menú | |
| Patrocinadores | |
| Online | |
Actualmente hay 8 invitados, 0 miembro(s) conectado(s).
Eres un usuario anónimo. Puedes registrarte aquí | |
| Noticias Anteriores | |
| |
 | C.R. CORETI LALIN 0 - 78 CRAT (FEMININO) |
 Nunha tarde estupenda para xogar ó rugby, as rapazas do C.R. LALIN CORETI
saltaron ó campo dispostas a facerlle frente ó rival máis potente da
liga este ano.
Foi un partido tranquilo e bastante dinámico, no
que as abellonas lle fixeron fronte a un equipo mais veterano que conta
con varias internacionais nas suas filas.
O resultado na
primeira parte era moi desfavorable para o equipo abellón, ademais de
rematar con duas xogadoras lesionadas, pero iso non foi motivo
suficiente para desanimar ás nosas rapazas, que na segunda parte saíron
con mais gañas se cabe, e defendendo os continuos ataques do equipo
coruñés.
O equipo abellón desputou os últimos minutos do
encontro cunha rapaza menos, xa que a ambulancia tivo que retirar a
Laura A. co que ó final foi unha luxación do ombro.
Nesta
ocasión non se puido acadar ningún punto para o marcador da casa, pero
as abellonas marcharon cun bo sabor de boca vendo que as rapazas novas
van poñendo en práctica todo o aprendido nos adestramentos e xa comezan a
disfrutar deste deporte, que cando menos é bastante complicado.
Asi que ánimo abellonas e a seguir mellorando.
BY: GLADIS REY
|
|
|
Enviado por Roxo el Martes, 02 febrero a las 15:18:15 (8 Lecturas)
(¿Comentarios? | Puntuación 0)
|
|
|
| CR CORETI LALIN 36 - 0 COWPER RC |
Onte sábado, desputouse no Manuel Anxo Cortizo o partido correspondente á novena xornada da liga da primeira nacional do Grupo A. Neste partido os Abellóns enfrontábanse ó Cowper RC de Oviedo, que viña de encaixar unha serie de bos resultados ante equipos da parte alta da táboa. Os Abellóns necesitaban conseguir a victoria non só para mellorar o seu posto da clasificación, senón tamén para acadar a confianza necesaria para afrontar a recta final da liga. Os nosos saíron ó campo mentalizados de que para conseguir a victoria deberíanse de empregar o cento por cento nas labores defensivas, e manterse concentrados en tódolos intres do partido. E foi así como comezou o partido, os Abellóns *****prían co guión a perfección, empregándose con dureza na defensa e facendo que os ovetenses se viran impotentes no momento de avanzar metros. Os abellóns intercalaban fases rápidas de ataque cos seus dous centros que se vían recompensadas coa consecución de metros, que os facía achegarse a liña de ensaio dos do Cowper. Os de Oviedo non conseguían sair da súa metade do terreo de xogo, e mantendo este nivel de xogo foi como chegaron os primeiros ensaios, que correrían a cargo de Monti. Os nosos foronse ó descanso cun 10-0, que logo da reanudación se vería ampliado, xa que a intensidade dos lalinenses seguía a ser moi alta, e o empuxe na melé comezaba a facer fendas na dianteira ovetense. Deste modo chegarían o resto dos ensaios, e Patxi e Folla conseguirían transformar as padadas, para rubricar o resultado final e conseguir o punto bonus, que por o momento, deixa ós nosos nunha cuarta posición que lle da un pouco máis de aire.
|
|
|
Enviado por Roxo el Domingo, 31 enero a las 19:25:41 (3 Lecturas)
(¿Comentarios? | Puntuación 0)
|
|
|
| CR CORETI LALIN 41 -- 8 FENDETESTAS RC |
Este pasado sábado os Abellóns enfrontábanse o último clasificado da táboa, O Fendetestas de As Pontes. Para os nosos, este partido era considerado como unha final, xa que de non gañar, os Abellóns complicaríanse a vida na competición. Ó comezo do partido, os de As Pontes, saíron moi metidos no encontro e cando os nosos se quixeron dar conta, xa habían encaixado un ensaio. Costoulle arrincar ós Abellóns pero, Santi Castro poñería a igualada no marcador, mentras que Patxi poñía ós nosos por diante mediante a transformación a paus. Nos intres fináis da primera parte, o Fendetestas empataría o partido mediante unha transformación tras un golpe de castigo.
A partires deste intre, o partido, só tivo unha cor, e os Abellóns comezaron a atoparse cómodos no campo. As fases en ataque comezaban a subir de intensidade, e pouco a pouco foron chegando o resto dos ensaios. O resto dos ensaios correron a cargo de Monti, Fuentes(2), Julito e Patxi. Os puntos restantes foron conseguidos por Patxi e Folla con boas patadas a paus.
|
|
|
Enviado por Roxo el Martes, 26 enero a las 12:48:59 (18 Lecturas)
(Leer más... | 1 Comentario | Puntuación 0)
|
|
|
| OS INGLESES 25 - 14 CR CORETI LALÍN |
Este pasado sábado, os Abellóns desprazábanse a Vilagarcía para desputar o seu primeiro partido da segunda volta da liga. O equipo desprazábase curto de efectivos, xa que, Abreu lesionado, e Panteira e Bruno por motivos persoais, causaban baixa para este encontro. Durante o primeiro tempo, os nosos prantaronlle cara a Os Ingleses mediante boas fases defensivas, mediante as cales non deixaban avanzar metros a liña de tres cuartos rival. Pero logo de aguantar o empuxe inicial dos de Vilagarcía, os Abellóns non puideron evitar o que ía a ser o primeiro ensaio rival, que chegaría con polémica xa que os nosos pedían saque de touche, logo de que o xogador que finalmente anotou o ensaio pisara, supostamente, a liña de fora. Os nosos seguían a evitar o empuxe rival empregandose a fondo en defensa, cos dous centros Bilí e Folla, como principais escudos. Pero a mala sorte parecía cebarse cos Abellóns, que a falla de un minuto para o final do primeiro tempo, encaixaban o segundo ensaio, logo de que o balón se freara por mor dun charco, na mesma liña de ensaio. Na segunda metade os nosos pasaron por un baixón inicial que lles costou o resto dos ensaios, encaixando os mesmos en menos de dez minutos. A partires dese intre o partido trocou de cor, e os Abellóns comezaron a despertar e a facerse co balón. Logo de varias fases ofensivas de boa continuación, chegaría o primeiro ensaio por medio de Monti e continuando coa dinámica de xogo, o segundo ensaio non se faría esperar moito, e remataría subindo o marcador por medio do mesmo home. Patxi conseguiría transformar as dúas patadas e redondearía o marcador.
|
|
|
Enviado por Roxo el Lunes, 18 enero a las 20:11:44 (17 Lecturas)
(¿Comentarios? | Puntuación 0)
|
|
|
| ZALAETA 12 - 42 CR CORETI LALÍN (FEMININO) |
O pasado sábado as abellonas desprazábanse ata Acea da Ma para desputar
un partido amigable co recén estreado equipo femenino do Zalaeta. As
condicións meteorológicas non eran as máis favorables para o
desprazamento á Coruña, pero as ganas de xogar pesaron máis que a
responsabilidade de non coller coche.
Este amigable serviu para que
as rapazas acadaran a súa primeira victoria nesta tempada e así coller
confianza de cara ó encontro desta fin de semana en terras viguesas. No
encontro as rapazas puideron poñer en práctica todo o aprendido nos
adestramentos dos últimos meses da man dos seus adestradores Lois
Alfaya e Murciano, que ó remate do partido se mostraban moi satisfeitos
co resultado.
Desputáronse tres partes de 20 minutos. Nos primeiros
intres do partido as nosas estaban un pouco máis descolocadas e o
Zalaeta conseguía o primeiro ensaio do partido, a través dunha xogada
individual da ex-abellona Sylvie. Pouco a pouco as lalinenses empezaron
a demostrar quen mandaba no encontro, e Nuria conseguía o primeiro
ensaio para o lado abellón, tras unha gran xogada de equipo. Gladis,
Mariana e Rocío repartiríanse o resto dos puntos ata acadar o resultado
final: Zalaeta 12 – Coreti Lalín 42.
As abellonas deben seguir traballando xa que agora comeza o duro da competición.
¡ÁNIMO ABELLONAS E A SEGUIR ASÍ!
BY: LAURA COSTA
|
|
|
Enviado por Roxo el Martes, 12 enero a las 18:08:31 (21 Lecturas)
(¿Comentarios? | Puntuación 0)
|
|
| |
| El Club | |
| Entrar | |
|
¿Todavía no tienes una cuenta? Puedes crearte una. Como usuario registrado tendrás ventajas como seleccionar la apariencia de la página, configurar los comentarios y enviar los comentarios con tu nombre. | |
| Calendario | |
|
|
